மஹாசிவராத்திரியில் எந்த பொருளால் சிவனுக்கு அபிஷேகம் செய்வது நல்லது?

Feb 18, 2023 Ramya 127 ஆன்மிகம்

மஹாசிவராத்திரியில் எந்த ராசிக்காரர்கள் எந்த பொருளால் சிவனுக்கு அபிஷேகம் செய்வது நல்லது?

🌟 சிவனுக்கு உரிய நாளான மஹாசிவராத்திரி இன்று (பிப்ரவரி 18ஆம் தேதி) கொண்டாடப்படுகிறது. இந்நாளில் சிவபெருமானை நினைத்து விரதமிருந்தால், நினைத்த காரியம் மற்றும் ஆசைகள் நிறைவேறும். மேலும் அவர்களின் கஷ்டங்கள் நீங்கி சுகமுடன் வாழலாம்.

🌟 இந்நாளில் சிவபெருமானுக்கு பூஜை செய்வதால் சிவனின் அருள்பார்வையை பெறலாம். அதிலும் எந்த ராசிக்காரர்கள் என்ன பொருட்களை கொண்டு அபிஷேகம் செய்தால் சிவனின் அருளை முழுமையாக பெறமுடியும் என தெரிந்துகொண்டு அபிஷேகம் செய்தால் இன்னும் சிறப்பாக இருக்குமல்லவா...!

♈ மேஷ ராசி

மேஷ ராசிக்காரர்கள், மஹாசிவராத்திரி அன்று வெல்லம் கலந்த நீரை சிவலிங்கத்திற்குப் படைத்து, சிவ பஞ்சாக்ஷர மந்திரத்தை சொல்ல வேண்டும். இதனால் நினைத்தது அனைத்தும் நடக்கும்.

♉ ரிஷப ராசி

ரிஷப ராசிக்காரர்கள், தயிரைக் கொண்டு சிவலிங்கத்திற்கு அபிஷேகம் செய்தால், வீட்டில் உள்ள பணப் பிரச்சனைகளில் இருந்து விடுபடலாம்.

♊ மிதுன ராசி

மிதுன ராசிக்காரர்கள், சிவலிங்கத்தை கரும்புச்சாறு கொண்டு அபிஷேகம் செய்து, ஊமத்தை பழத்தை படைத்தால், ஆசைகள் நிறைவேறும்.

♋ கடக ராசி

கடக ராசிக்காரர்கள், சர்க்கரை சேர்த்த பால் கொண்டு சிவலிங்கத்திற்கு அபிஷேகம் செய்து, மந்தாரைப் பூவால் அலங்கரித்தால், நினைக்கும் காரியம் கூடிய விரைவில் நடக்கும்.

♌ சிம்ம ராசி

சிம்ம ராசிக்காரர்கள், மஹாசிவராத்திரி அன்று சிவப்பு சந்தனம் கலந்த பாலால் சிவனுக்கு அபிஷேகம் செய்தால், சிவன் உங்களுக்கு அதிர்ஷ்டத்தை வழங்குவார்.

♍ கன்னி ராசி

கன்னி ராசிக்காரர்கள் பால், நீரால் சிவலிங்கத்தை அபிஷேகம் செய்தால், சிவன் நல்ல ஆரோக்கியத்தை அருள்வார்.

♎ துலாம் ராசி

துலாம் ராசிக்காரர்கள், பசு மாட்டுப் பாலால் சிவலிங்கத்திற்கு அபிஷேகம் செய்தால், வாழ்வில் நல்ல செல்வ செழிப்போடு இருக்க அருள்புரிவார்.

♏ விருச்சிக ராசி

விருச்சிக ராசிக்காரர்கள், தேன் அல்லது சர்க்கரை கலந்த நீரால் சிவனுக்கு அபிஷேகம் செய்வது மிகவும் நல்லது.

♐ தனுசு ராசி

தனுசு ராசிக்காரர்கள், குங்குமப்பூ கலந்த பாலால் சிவனுக்கு அபிஷேகம் செய்து, சிவ பஞ்சாக்ஷர மந்திரத்தைப் படிக்க வேண்டும். இதனால் வாழ்வில் உள்ள இன்னல்கள் நீங்கும்.

♑ மகர ராசி

மகர ராசிக்காரர்கள், மஹாசிவராத்திரி அன்று சிவனுக்கு நல்லெண்ணெய் அபிஷேகம் செய்து, வில்வ பழத்தைப் படைத்தால், வாழ்வில் எதிலும் வெற்றிக் கிடைக்கும்.

♒ கும்ப ராசி

கும்ப ராசிக்காரர்கள், மஹாசிவராத்திரி அன்று இளநீர் அல்லது கடுகு எண்ணெய் அபிஷேகம் செய்தால், நிதி ஆதாயம், லாபம் கிடைக்க உதவுவார்.

♓ மீன ராசி

மீன ராசிக்காரர்கள், மஹாசிவராத்திரி அன்று குங்குமப்பூ கலந்த பாலால் சிவனுக்கு அபிஷேகம் செய்தால், செல்வ செழிப்போடு இருக்க வழி செய்வார்.

இந்த பொருட்களால் சிவனுக்கு அபிஷேகம் செய்து சிவனின் அருளைப் பெற்றிடுங்கள்!!

Tagged mahasivarathiri sivarathiri சிவனுக்கு அபிஷேகம்

Share this valuable content with your friends

மஹாசிவராத்திரியில் எந்த பொருளால் சிவனுக்கு அபிஷேகம் செய்வது நல்லது?

Recent Posts

Tags