1. இரண்டாவதாக என் மனைவி கர்ப்பம் தரித்துள்ளாள். இது என் மனைவிக்கு 6ஆவது மாதம். எப்போது வளைகாப்பு வைக்கலாம்?
🌀 வளைகாப்பு என்பது கருவுற்ற பெண்ணின் ஏழாவது அல்லது ஒன்பதாவது மாதத்தில் செய்வது சிறப்பாகும்.
🌀 மேலும், இரட்டைப்படை மாதங்களை விடுத்து ஒற்றைப்படை மாதத்தில் செய்யவும்.
2. எனக்கு திருமணப்பொருத்தத்தில் ஐந்து பொருத்தம் உள்ளது. இது சரி வருமா?
🌀 பாவக ரீதியான ஆய்வுகள் மற்றும் முக்கியமான பொருத்தங்கள் கூடி வருமாயின் திருமணம் செய்து கொள்ளலாம்.
3. தினமும் கோச்சாரப்படி ஜோதிடம் டிவியில் பலன் சொல்கிறார்கள். அதன்படி 12 மணிநேர பின்னர் வரும் அமெரிக்க மக்களுக்கும் இது பொருந்துமா?
🌀 கோச்சார பலனில் சிறிது வேறுபாடுகள் உண்டாகும்.
🌀 நட்சத்திரங்களின் ஆதி அந்த நேரம் மாறுபடும். எனவே, பலன்களும் மாறுபடும்.
4. எனக்கு திருமணம் முடிந்து 1 வருடம் 4 மாதம் ஆகிறது. ஆனால், இன்னும் குழந்தை இல்லை எனது ராசி மீனம், லக்னம் மீனம், நட்சத்திரம் உத்திராட்டாதி. இதற்கு என்ன பரிகாரம் செய்ய வேண்டும்?
🌀 வியாழக்கிழமை தட்சிணாமூர்த்தியை குரு ஓரையில் வணங்கி வரவும்.
🌀 வயதில் மூத்த உறவினர் அல்லாத பெரியோருக்கு தேவையான உதவிகளை செய்து வரவும்.
🌀 மேலும், பண வசதியில்லாத கல்வி பயிலும் மாணவர்களுக்கு தங்கள் வசதிக்கு ஏற்ப உதவி செய்து வரவும்.
5. ரிஷப ராசி, மிருகசீரிஷம் நட்சத்திரம் உள்ள நான், நன்றாக படிக்க எந்த தெய்வத்தை வணங்க வேண்டும்?
🌀 மாணவர்கள் ஹயக்கிரிவரையும், சரஸ்வதி தேவியையும் வணங்கி வர கல்வியில் முன்னேற்றம் உண்டாகும்.
6. இறந்தவர் போட்டோ திடீரென்று கீழே விழுந்து நொறுங்கினால் என்ன பலன்?
🌀 இறந்தவர் போட்டோ திடீரென்று கீழே விழுந்து நொறுங்கினால் அமாவாசையன்று அவருக்கு தர்ப்பணம் அளித்து வரவும்.
🌀 மேலும், குலதெய்வ கோவிலிற்கு சென்று வழிபட்டு வரவும்.
7. அம்மன் கழுத்தில் நாங்கள் போட்ட தாலி தொலைந்து விட்டது. இதனால் குடும்பத்தில் கஷ்டம் வருமா?
🌀 அம்மன் கழுத்தில் நாங்கள் போட்ட தாலி தொலைந்து விட்டதால் எவ்விதமான பாதிப்பும் இல்லை.
🌀 மேற்கொண்டு இது நிகழாமல் கவனத்துடன் இருக்கவும்.
8. லக்னத்திற்கு ஏழில் கேது இருந்தால் தோஷமா?
🌀 லக்னத்திற்கு ஏழில் கேது இருந்தால் தோஷமாகும்.