1. ஒரே நட்சத்திரத்தில் பிறந்தவர்கள் திருமணம் செய்து கொள்ளலாமா?
🌟 ஒரே நட்சத்திரத்தில் பிறந்தவர்கள் திருமணம் செய்து கொள்ளலாம்.
🌟 இருப்பினும் கோச்சார பலன்கள் யாவும் இருவருக்கும் ஒரே மாதிரி அதாவது நன்மை என்றாலும் தீமை என்றாலும் இரு மடங்கு உண்டாகும்.
🌟 எனவே, ஒரே நட்சத்திரத்தில் பிறந்தவர்கள் திருமணம் செய்வதை தவிர்ப்பது நல்லது.
2. ஐப்பசி மாதத்தில் கிரகப்பிரவேசம் வைக்கலாமா?
🌟 ஐப்பசி மாதத்தில் கிரகப்பிரவேசம் வைக்கலாம்.
3. பெண் பிள்ளைகள் திதி கொடுக்கலாமா?
🌟 திருமணம் ஆகாத பட்சத்தில் ஆண் வாரிசுகள் இல்லை என்னும் நிலையில் பெண் பிள்ளைகள் தாராளமாக திதி கொடுக்கலாம்.
4. ஒருவருக்கு பிள்ளை இல்லையென்றால் இறுதி சடங்கு யார் செய்யலாம்?
🌟 ஒருவருக்கு பிள்ளை இல்லையென்றால் இறுதி சடங்கை உடன் பிறந்தோர் வாரிசுகளும், உடன் பங்காளிகளும் செய்ய கடமைப்பட்டவர்கள்.
5. ஒரே திசை நடந்தால் திருமணம் செய்யக்கூடாதா? மகரம் -சிம்மம் ராசி திருமணம் செய்து கொள்ளலாமா?
🌟 மணமக்கள் இருவருக்கும் ஒரே திசை என்பது ஒருவருக்கு ஆதியாகவும், மற்றொருவருக்கு அந்தமாக இருக்கும் பட்சத்தில் திருமணம் செய்யலாம்.
🌟 மற்ற பொருத்தங்கள் அமைந்து வருமாயின் மகரம்-சிம்மம் ராசி திருமணம் செய்து கொள்ளலாம்.
6. பிரதோஷம், சதுர்த்தி, சஷ்டி மற்றும் ஏகாதசி ஆகிய தினங்களில் முடி வெட்டலாமா?
🌟 சதுர்த்தி, சதுர்தசி, சஷ்டி, நவமி மற்றும் பௌர்ணமி ஆகிய திதிகளை விடுத்து மற்ற திதிகளில் முடி வெட்டிக் கொள்ளலாம்.
🌟 மேற்கூறிய திதிகள் ஞாயிறு அல்லது வியாழன் கிழமையாக இருக்கும் பட்சத்தில் முடி வெட்டிக் கொள்ளலாம்.
7. அமாவாசை அன்று நகைகள் வாங்கலாமா?
🌟 அமாவாசையை விடுத்து மற்ற சுப திதிகளில் நகைகள் வாங்கலாம்.
8. லக்னத்தில் சூரியன் இருந்தால் என்ன பலன்?
🌟 சூரியன் பலமாக அமையப்பெற்றால் கௌரவமான பதவி கிடைக்கும்.
🌟 ஆரோக்கியம் சிறப்பாக இருக்கும்.
🌟 கல்வியில் மேன்மை நிலை அமையும்.
🌟 பெரியோர்களின் ஆசிர்வாதம் கிடைக்கும்.
🌟 சுறுசுறுப்பாக செயல்படுவீர்கள்.
