1. நாகசதுர்த்தி அன்று திருமணம் செய்யலாமா?
🌟 நாகசதுர்த்தி அன்று திருமணம் செய்தல் நன்மையன்று.
🌟 நாகசதுர்த்தி சுபச் செயல்கள் செய்ய ஏற்ற நாள் அல்ல.
2. ருத்ராட்சம் எந்த நாளில் அணிய வேண்டும்?
🌟 ருத்ராட்சம் சிவபெருமானுக்கு உகந்த நாளான சிவராத்திரி, பிரதோஷம் போன்ற நாட்களில் அணியலாம்.
3. சிவப்பு அரளிச் செடியை வீட்டில் வளர்க்கலாமா?
🌟 சிவப்பு அரளிச் செடியை வீட்டில் வளர்க்கலாம்.
🌟 சிவப்பு அரளியை வீட்டில் முன்புறம் வளர்ப்பதைக் காட்டிலும் பின்புறம் வளர்ப்பது நல்லது.
4. காகத்தை காலையில் எழுந்ததும் பார்க்கலாமா?
🌟 காகத்தை காலையில் எழுந்ததும் பார்க்கலாம்.
5. கௌரி நல்ல நேரம் என்றால் என்ன?
🌟 கௌரி நல்ல நேரம் என்பது ஒரு நாளை 16 முகூர்த்தமாக பிரிப்பதாகும். அதாவது பகல் பொழுதிற்கு 8 முகூர்த்தமும், இரவு பொழுதிற்கு 8 முகூர்த்தமும் என 16 முகூர்த்தங்களை கொண்டதாகும்.
🌟 ஒரு முகூர்த்தம் என்பது 1.30 மணி நேரமாகும்.
🌟 உத்தி, அமிர்தம், ரோகம், லாபம், தனம், சுகம், விஷம், சோரம் என்று எட்டு வகையான முகூர்த்தம் கௌரி பஞ்சாங்கத்தில் இருக்கின்றன.
🌟 அமிர்தம், லாபம், தனம், சுகம், உத்தி என்ற வேளைகளில் சுபகாரியங்களை செய்யலாம்.
🌟 ராகுகாலம், எமகண்ட காலங்களில் சுபச் செயல்கள் செய்யக்கூடாது.
6. தங்கம் வாங்க ஏற்ற நாள் எது?
🌟 வெள்ளிக்கிழமை சுக்கிர ஓரையில் தங்கம் வாங்குவது சிறப்பு.
🌟 சனிக்கிழமை அன்று பரணி, பூரம், பூராடம் போன்ற நட்சத்திரங்களில் தங்கம் வாங்கலாம்.
7. இடது கை கட்டை விரலில் மச்சம் இருந்தால் என்ன பலன்?
🌟 இடது கை கட்டை விரலில் மச்சம் இருந்தால் தனது ஆசைகளை நிறைவேற்றி கொள்ளக்கூடியவர்கள்.
🌟 உறவினர்கள் மூலம் சாதகமான பலன்கள் உண்டாகும்.
