1. நான் திருவாதிரை நட்சத்திரம். நான் விரும்பும் நபருக்கு திருவோணம் நட்சத்திரம். எங்களுக்கு ரஜ்ஜு பொருத்தம் இல்லையென்று கூறுகிறார்கள். ஆனால், அவருக்கு ஆரோகணம், நான் அவரோகணம். இருவரும் திருமணம் செய்து கொள்ளலாமா?
🌟 பாவக ரீதியான பொருத்தங்கள் இருக்கும் பட்சத்தில் திருமணம் செய்து கொள்ளலாம்.
2. விளக்கு பூஜையில் முடி தீப்பிடித்தால் என்ன காரணம்? பரிகாரம் ஏதேனும் உண்டா?
🌟 விளக்கு பூஜையில் முடி தீப்பிடித்தல் என்பது நல்லதல்ல.
🌟 குலதெய்வ வழிபாடு செய்வது சிறந்த பரிகாரம் ஆகும்.
3. சுவாமிக்கு வீட்டில் திருமணம் செய்யலாமா?
🌟 உரிய அந்தணர்களை கொண்டு பொது மக்கள் என அனைவரையும் அழைத்து சுவாமிக்கு வீட்டில் திருமணம் செய்யலாம்.
4. துலாம் லக்னக்காரர்கள் மரகதப் பச்சைக்கல் மோதிரம் அணியலாமா?
🌟 துலாம் லக்னக்காரர்கள் மரகதப் பச்சைக்கல் மோதிரம் அணியலாம்.
🌟 ராசிக்கற்களை அணியும்போது தகுந்த ஆலோசனைகளை பெற்று அணியவும்.
5. ஆலயங்களுக்குச் செல்லும்போது நுழைவுவாயிலின் படிநிலையை மிதிக்காமல் செல்கிறோம். ஆனால், தரிசனம் முடித்துவிட்டு வெளியில் வரும் பொழுது அதே படிநிலையை மிதித்து வர வேண்டுமா? அல்லது தாண்டி தான் வர வேண்டுமா?
🌟 ஆலயங்களுக்குச் செல்லும்போதும், இறைவனை வழிபட்டு வெளியே வரும் போதும் நுழைவுவாயிலின் படிநிலையை மிதிக்காமல் வரவேண்டும்.
6. மூதாதையர் சாபம் நீங்க என்ன செய்ய வேண்டும்?
🌟 சகல தோஷங்களையும் நிவர்த்தி செய்வது சிவபூஜை ஆகும்.
🌟 ராமேஸ்வரம் சென்று முன்னோர்களுக்கு தர்ப்பணம் செய்து, சிவ வழிபாடு செய்து வருவது சகல சௌபாக்கியங்களையும் அருளும்.
7. நான் துலாம் ராசி, துலாம் லக்னம், சுவாதி நட்சத்திரம். எந்தக்கல் வைத்து வெள்ளி மோதிரம் அணிய வேண்டும்?
🌟 துலாம் லக்னக்காரர்கள் வைரக்கற்களை அணியலாம்.
🌟 ராசிக்கற்களை அணியும்போது தகுந்த ஆலோசனைகளை பெற்று அணியவும்.
