🌟 சாயக்கிரகம் என்று அழைக்கப்படும் நிழல் கிரகமான கேது ஆணும் பெண்ணும் இல்லாத கிரகமாவார். ஞானத்திற்கும், மோட்சத்திற்கும் காரகம் பெற்றவர். ஒருவருக்கு எதிர்பாராத ஆன்மீக தொடர்பை உண்டாக்கி அவர்களுக்கு வாழ்க்கையில் உள்ள அனைத்து நிலைகளையும் புரிய வைக்கக்கூடியவர்.
🌟 கேதுவை போல் கெடுப்பார் என்ற பழமொழிக்கு ஏற்ப அவர் அளிக்க இருக்கும் ஆன்மீக ஞானத்தை எவராலும் தடுக்க இயலாது.
🌟 நவகிரகங்களில் கேதுபகவான் அதீத வலிமை உடையவர்.
🌟 கேதுபகவான் பனிரெண்டு ராசிகளில் நின்று செய்யும் சுப மற்றும் அசுப பலன்களை பற்றி காண்போம்.
கிரகத்தை பற்றிய சில குறிப்புகள் :
🌟 தந்தை : விப்ரசிந்து
🌟 தாய் : சம்ஹிகை
🌟 கேதுவின் பிரதி அதிபதி : விநாயகர்
🌟 வசிக்கும் இடம் : செழிப்பு இல்லாத காடுகள்
🌟 வலிமை உடைய பொழுது : அனைத்து பொழுதுகளிலும் வலிமை கொண்டவர்
🌟 ராசியை கடக்கும் காலம் : 1 1/2 வருடங்கள்
🌟 கேதுவின் நட்பு கிரகங்கள் : புதன், சுக்கிரன், குரு, சனி
🌟 கேதுவின் பகை கிரகங்கள் : சூரியன், சந்திரன் மற்றும் செவ்வாய்
🌟 கேதுவிற்கு சமமான கிரகம் : இல்லை
🌟 கேதுவின் தசா காலங்கள் : 07 வருடங்கள்
🌟 கேதுவின் நட்சத்திரங்கள் : அஸ்வினி, மகம், மூலம்
கேதுபகவானின் குணங்கள் :
🌟 கேதுபகவான், ராகுவிற்கு நேர்மாறான பலன்களை அளிக்கக்கூடியவர்.
🌟 அதாவது வாழ்க்கையில் உள்ள அனைத்து சுகபோகங்களையும் விடுத்து, பிறவா நிலை என்னும் மோட்ச நிலைக்கு அழைத்து செல்லக்கூடியவர்.
🌟 இவர் உடல் அளவில் பல்வேறு சூழலுக்கு தகுந்த மாதிரி பலன்களை அளிக்கக்கூடியவர்.
🌟 குடும்ப வாழ்கையில் பிடிப்பு இல்லாமல் ஆன்மீக எண்ணங்களையும், பல மறைமுக செயல்களை பற்றியும் தெளிவுப்படுத்தக்கூடியவர்.
🌟 இனி வரும் நாட்களில் கேதுபகவான் ஒவ்வொரு ராசியிலும் இருக்கும்போது ஏற்படும் சுப மற்றும் அசுப பலன்களை காண்போம்.