1. தனுசு ராசிக்கு எந்த திசையில் வீடு அமைய வேண்டும்?
🌟 தனுசு ராசிக்கு கிழக்கு திசையில் வீடு அமைய வேண்டும்.
2. எனக்கு துலாம் ராசி, விசாக நட்சத்திரம், துலாம் லக்னம். நான் எந்த ராசி பெண்ணை திருமணம் செய்து கொள்ளலாம்?
🌟 துலாம் லக்னக்காரர்கள் மீனம் மற்றும் ரிஷப ராசி உள்ள பெண்களை தவிர மற்ற ராசி பெண்களை திருமணம் செய்து கொள்ளலாம்.
3. எனது மகன் ஆன்மீக சிந்தனைகள் பற்றி பேசினால் கோபப்படுகிறான். அவனை எப்படி ஆன்மீகத்தில் இணைப்பது?
🌟 பெரியவர்கள், சிறு வயது முதலே அனைத்து குழந்தைகளுக்கும் கோவில் மற்றும் ஆன்மீகச் செய்திகளை பற்றி கூறி வளர்க்காமல் இடையில் நம் விருப்பப்படி ஆன்மீகம் சார்ந்த எண்ணங்களை அவர்களிடம் திணிப்பது அவர்களுக்கு பிடிக்காத விஷயமாகும்.
🌟 ஆகவே, விருப்பமில்லாமல் எவரையும் கட்டாயப்படுத்தி ஆன்மீகத்தில் ஈடுபடுத்துவது என்பது சரியானதாக இருக்காது.
🌟 வாழ்க்கை பயணமும், சில அனுபவமும் அவர்களை ஆன்மீகத்தில் ஈடுபட செய்யும்.
🌟 ஆன்மீகம் என்பது மற்ற விஷயங்களை போல் கட்டாயப்படுத்தக்கூடியவை அல்ல.
🌟 அவரவர் எண்ணங்களும், செயல்களுமே அவருக்கு கிடைக்க இருக்கும் ஆன்மீகம் தொடர்பான அருள்களையும், ஆசிகளையும் நிர்ணயம் செய்கின்றன.
🌟 காலமே அனைத்திற்கும் பதில் அளிக்கும். கவலைக்கொள்ள வேண்டாம்.
4. புத்திர பாக்கியம் கிடைக்க என்ன வழிபாடு செய்ய வேண்டும்?
🌟 புத்திர பாக்கியம் கிடைக்க தட்சிணாமூர்த்திக்கு பௌர்ணமி அன்று விரதம் மேற்கொண்டு மஞ்சள் வஸ்திரத்தை தானம் செய்ய வேண்டும்.
🌟 தம்பதிகள் ஸ்ரீ ராமருக்கு செம்பருத்தி பூக்களை அர்ப்பணம் செய்து அந்த பூக்களை உண்டு வர புத்திர பாக்கியம் கிடைக்கும்.
5. ராகு திசை, கேது புத்தி நடந்தால் என்ன பலன்?
🌟 தம்பதிகளுக்கிடையே பிரச்சனைகள் உண்டாகும்.
🌟 பகைவர்களால் மனவருத்தங்கள் ஏற்படும்.
🌟 எதிலும் சுறுசுறுப்பற்ற நிலை உண்டாகும்.
6. பாலகிரக தோஷம் என்றால் என்ன? அதற்கு என்ன பரிகாரம் செய்ய வேண்டும்?
🌟 குழந்தை பிறந்தது முதல் 12 வயது வரை துர்தேவதைகளின் தாக்குதல்களால் உடல் அளவிலும், மனதளவிலும் சில இன்னல்கள் ஏற்படும். இதுவே, பாலகிரக தோஷம் ஆகும்.
🌟 ஜாதகத்தில் கிரக நிலைகளின் தன்மைக்கேற்ப வயது வரம்புகளில் மாற்றம் ஏற்படும்.
🌟 பாலரிஷ்ட தாயத்து மற்றும் கரி நாள் இல்லாத செவ்வாய், சனிக்கிழமைகளில் பைரவர் மற்றும் வராஹி அம்மனை வழிபட்டு அவர்களின் பிரசாதங்களை குழந்தைக்கு அளித்து வர நலம் உண்டாகும்.