1. இரு சக்கர வாகனம் வாங்க நல்ல நாள் எது?
🌟 வாகனங்களுக்கு அதிபதி சுக்கிர பகவான் ஆவார்.
🌟 ஆகவே, வாகனங்களை வெள்ளிக்கிழமையில் சுக்கிர ஓரையில் வாங்கலாம்.
2. மனைவி கர்ப்பமாக இருக்கும் போது வீடு மாற்றம் செய்தால் ஏதாவது பிரச்சனைகள் வருமா?
🌟 மனைவி கர்ப்பமாக இருக்கும் போது வீடு மாற்றம் செய்தால் பிரச்சனைகள் வராது.
🌟 ஆனால், வீடு மாற்றம் செய்யும் போது பெண்களுக்கு அதிகப்படியான வேலைகள் ஏற்படும்.
🌟 மேலும் புதிய வீட்டில் பூசப்படும் சுண்ணாம்பு பூச்சுகள் மற்றும் வண்ணங்கள் அவர்களின் உடல்நிலையையும், மனநிலையையும் பாதிக்கலாம்.
🌟 இதை தவிர்க்கவே நம் முன்னோர்கள் பெண்கள் கர்ப்பமாக இருக்கும் காலங்களில் வீட்டில் கிரகப்பிரவேசம் மற்றும் குடிப்பெயர்தலை தவிர்க்க வேண்டும் என்று கூறினார்கள்.
3. குலதெய்வக் கோவிலில் தேங்காய் அழுகிப்போனால் என்ன பரிகாரம் செய்ய வேண்டும்?
🌟 குலதெய்வக் கோவிலில் தேங்காய் அழுகிப்போனால் செய்யும் செயல்களில் சில காலதாமதம் உண்டாகும்.
🌟 எனவே, செயல்களில் நிதானமாக செயல்படுவது சாலச் சிறந்தது.
4. சிம்ம லக்னம் 3ல் சனி, செவ்வாய், 6ல் சந்திரன், 8ல் கேது, 12ல் சூரியன், குரு, புதன் மற்றும் சுக்கிரன் இவை எல்லாம் மறைவு ஸ்தானங்கள். இதற்கு பலன் என்ன?
🌟 3, 6, 8 மற்றும் 12 ஆகிய இடங்கள் மறைவு ஸ்தானங்கள் ஆகும். கிரகங்கள் பலத்துடனும், பலமின்றி இருப்பதும் நாம் செய்யும் வினைகளின் அடிப்படையில் தான்.
🌟 மறைவு ஸ்தானங்களில் நின்ற கிரகங்களால் சில சுப பலன்கள் உண்டாகும்.
🌟 வாழ்க்கைப் பற்றிய புரிதலையும், போராட்டத்தையும் ஏற்படுத்தும்.
5. பொருந்தாத ஜாதகத்தை இணைத்து திருமணம் செய்து வைத்தால் பிறக்கும் குழந்தை ஊனமாக பிறக்குமா?
🌟 பொருந்தாத ஜாதகத்தை இணைத்து திருமணம் செய்து வைத்தால் பிறக்கும் குழந்தை ஊனமாக பிறக்கும் என்பது உண்மையன்று.
