1. 3-ல் கேது மற்றும் செவ்வாய் இருந்தால் அடுத்து பெண் குழந்தை தான் பிறக்குமா?
🌟 கிரக நிலைக்கு ஏற்பவும், தசாபுத்திக்கு தகுந்தாற்போலவும் தான் புத்திர பாக்கியம் உண்டாகும்.
2. சிம்ம ராசி, மகம் நட்சத்திரம், மகர லக்னம் உடையவர்கள் எந்த ராசிக்கற்கள் கொண்ட மோதிரம் அணிய வேண்டும்?
🌟 மகர லக்னம் கொண்டவர்கள் நீலக்கற்களை அணியலாம்.
🌟 ராசிக்கற்களை அணியும் போது தகுந்த ஆலோசனைகளை பெற்று அணியவும்.
3. ஐப்பசி மாதத்தில் குழந்தை பிறந்தால் தந்தைக்கு பாதிப்பு ஏற்படுமா?
🌟 ஐப்பசி மாதத்தில் குழந்தை பிறந்தால் தந்தைக்கு பாதிப்பு ஏற்படாது.
🌟 அவரவர் சொந்த ஜாதகத்தின் அடிப்படையிலேயே பலன்கள் கிடைக்கும். குழந்தையின் ஜாதகம் தந்தையின் ஜாதகத்தில் சிறு மாற்றத்தை மட்டும் உருவாக்கும்.
4. நான் மிதுன லக்னம், சிம்ம ராசி. 5-ல் சனி திசை நடக்கிறது. இதற்கு என்ன பலன்?
🌟 பணிபுரியும் இடங்களில் எதிர்பார்த்த இடமாற்றம் சாதகமாகும்.
🌟 மனைவி வழி உறவுகளால் ஆதாயம் உண்டாகும்.
🌟 கூட்டுத் தொழில் மூலம் இலாபம் ஏற்படும்.
🌟 உயர் அதிகாரிகளின் ஆதரவு மற்றும் பாராட்டுகளை பெறுவீர்கள்.
🌟 இவையாவும் பொதுப்பலன்களே ஆகும்.
5. விருச்சக லக்னத்திற்கு 2-ம் இடத்தில் சனி மற்றும் ராகு இருந்தால் என்ன பலன்?
🌟 குழப்பமான சூழ்நிலையை உடையவர்கள்.
🌟 விதண்டாவாதம் புரிவதில் வல்லவர்கள்.
🌟 அடிக்கடி பொருளாதார நெருக்கடி தோன்றி மறையும்.
🌟 இவையாவும் பொதுப்பலன்களே ஆகும்.
6. எனக்கு சுத்த ஜாதகம், பெண்ணிற்கு 2-ம் இடத்தில் செவ்வாய் இருக்கிறது. இருவரும் திருமணம் செய்து கொள்ளலாமா?
🌟 செவ்வாய் உள்ள ஜாதகத்திற்கு செவ்வாய் உள்ள ஜாதகத்தை இணைப்பதே சிறப்பை தரும்.
7. நான் கடக ராசி. லக்னத்தில் சனி மற்றும் சந்திரன் சேர்ந்திருந்தால் என்ன பலன்?
🌟 சோம்பேறித்தனம் உடையவர்கள்.
🌟 அலட்சிய குணம் கொண்டவர்கள்.
🌟 நிலையற்ற எண்ணம் உடையவர்கள்.
🌟 இரத்தம் தொடர்பான பிரச்சனைகள் தோன்றி மறையும்.
🌟 இவையாவும் பொதுப்பலன்களே ஆகும்.