கேள்வி :
தொழில் துறையில் மிகவும் பிரபலமாக திகழ்வதற்கும் வாஸ்துவிற்கும் தொடர்பு உண்டா?
பதில் :
ஒருவர் தொழில்ரீதியாக புகழின் உச்சிக்கே செல்கிறார் என்றால், அவருக்கு தென்மேற்கு மற்றும் வடமேற்கில் இயற்கையாகவே சில தவறுகள் இருக்கும். அந்த தவறுகள் இரண்டு முதல் நான்கு வருடங்களில் மிக மிக பிரபலத்தை கொடுத்துவிட்டு, அதே நேரத்தில் மிகவும் ஆபத்தை உருவாக்கிவிடும். இங்கு குறிப்பிடும் படியான அமைப்புகள் உங்கள் வீட்டில் இருக்குமானால் உங்களுக்கும் இதுபோல் நடப்பது என்பது உறுதி
1. தென்மேற்கில் தெருக்குத்து, தெருப்பார்வை வருவது.
2. தென்மேற்கில் ஆழ்துளைக் கிணறு, கிணறு, தரைக்குகீழ் தண்ணீர் தொட்டி, உள் மூலைப்படி அமைப்பு வருவது.
3. வீட்டின் உள்பகுதியில் தென்மேற்கில் வரக்கூடிய மாஸ்டர் பெட்ரூம்மை பயன்படுத்தாமல் அந்த இடத்தை வேறு வேறு தேவைக்காக பயன்படுத்துவது.
4. தென்மேற்கு பகுதியில் கிணறு இருந்தும் அதை மூடி விட்டு, அதன் மீது கட்டிடங்களை உருவாக்கிக் கொள்வது.
5. தென்மேற்கில் கழிவறைகள், கழிவறை குழிகள் போன்றவை வருவது.
6. தென்மேற்கு, தென்கிழக்கு, வடமேற்கு ஆகிய நீச்ச பகுதியில் தலைவாசல், முக்கிய கேட் வருவது.
7. தென்மேற்கில் வீட்டின் உள்பகுதியிலும், வெளிப்பகுதியிலும் கோவில் போன்ற அமைப்புகள் மற்றும் பூஜை அறைகள் வருவது.
8. மொத்த இடத்தில் வடமேற்கில் கிணறு, ஆள்துளைக் கிணறு, தரைக்குகீழ் தண்ணீர் தொட்டி போன்ற அமைப்புகள் வருவது.
மேற்கூறிய அமைப்புகள் தவிர இன்னும் சில பல அமைப்புகள் உங்கள் வீட்டில் இருக்கக்கூடும்.
